Mala-tigreng personality ni babaeng personalidad, ‘di umubra sa misis ng katrabaho

HINDI umubra ang katarayan ng isang babaeng personalidad na ito sa misis ng kanyang katrabaho sa isang TV program.

Ang kuwento, namalditahan ang misis sa ating bida kung kaya’t umabot sa pisikal na engkuwentro ang pangyayaring nasaksihan mismo ng madlang pipol sa bakuran ng TV network.

“Naku, palaban din pala ang misis, anong sinasabi mong tigresa ‘yung female personality, ha? Panis siya, ‘no!”sey ng aming source.

Ano ba kasi ang mala-action star na ginawa ng misis sa katrabaho ng malditang nakaaway niya?

“’Day, sinakal lang naman ng misis ang lola mo! As in hawak-hawak niya ang leeg, huh! ‘Yan tuloy ang napala niya sa pagiging maldita niya!” dagdag pa nito.

Da who ang babaeng personalidad na sinakmal ang leeg ng dyowa ng katrabaho niya? Itago na lang natin siya sa alyas na Carina Santibanez.

(Ronnie Carrasco III)