HATAW! D'yaryo ng Bayan hatawtabloid.com
MASAYANG-MASAYA ang bumubuo ng pelikulang Magkadugo na handog ngSMAC TV Network dahil sila ang nakakuha ng 2nd Best Movie sa katatapos na2017 Gawad Sining Short Film Festival.
Ang Magkadugo ay pinagbibidahan nina Mateo Sanjuan at Justin Lee na nagwagi naman ng Best Actor at Best Supporting Actor respectively.
Isang maikling pelikula ang Magkadugo na sumesentro ang buhay ng makapatid na sina Vince (Justin) at Bryan (Mateo) sa mga trahedya at matitinding problemang dumating sa kanilang buhay ngunit nanatiling matatag at magkakapit-bisig hanggang sa dulo bilang magkapatid.
First time kapwa nina Mateo at Justin na umarte sa isang pelikula, bagamat si Mateo ay may background na sa teatro. Kaya kahanga-hanga ang galing na ipinakita nila sa Magkadugo sa blockscreening sa SM North noong isang araw.
Malaki nga ang pasasalamat nina Mateo at Justin dahil agad napansin ang kanilang galing at umaasa silang sa pamamagitan ng Magkadugo ay mabibigyan sila ng malaking proyekto at marami pang pelikula.
Nauna si Justine sa SMAC kaya naman iniintriga sila ni Mateo na mas nauna pang magkaroon ng best actor award sa kanya.
Ani Justin, hindi big deal sa kanya kung mas unang nagkaroon ng best actor award si Mateo. Ang mahalaga, napansin din ang kakayahan niya sa pag-arte.
Hindi rin big deal kay Justin kung supporting lang siya kay Mateo.
Twenty one short films ang naglaban-laban sa Gawad Sining Short Film Festivalkaya malaking bagay na sa SMAC na bukod sa 2nd Best Movie ay nakakuha pa sila ng acting awards. May special participation din rito ang iba pang alaga ng SMAC na sina Angelica Feliciano at Mark Sceven Nolasco. Ito ay idinirehe nina IJ Fernandez at Reymond Dimo.
Marami pang blockscreening ang isasagawa ng SMAC na inaasahan nilang marami pa ang makakapanood ng kanilang pelikula na ang sentro ay ukol sa importansiya ng pamilya.
Sa bumubuo ng SMAC TV Network, ang aming pagbati.
SHOWBIZ KONEK
ni Maricris Valdez Nicasio
