HATAW! D'yaryo ng Bayan hatawtabloid.com
DUE to insistent public demand, tinugon ng 8TriMedia Broadcasting Network management ang requests ng marami na pahabain ang oras ng ‘Live Jamming with Percy Lapid’ tuwing Linggo ng gabi sa Radio DZRJ (810 Khz/AM).
Nadagdagan pa ng isang oras ang nangungunang live musical program ngayon sa AM radio na mapapakinggan mula 10:00 pm hanggang 2:00 am.
Pangungunahan ng kilalang action star turned politician na si Sonny Parsons ang iba pang mahuhusay na singers at musicians na magiging panauhin sa darating na Linggo.
Si Parsons, na nagsimula bilang folk singer noong dekada ‘70 ay unang nakilala bilang recording artist kasama ang machong grupo ng “Hagibis” na nagpasikat ng hit songs na “Legs,” “Katawan” at “Babae.”
Makikipagsabayan kay Parsons ang romantic balladeer-recording artist na si Rafael ‘Mr. Romantico’ Centenera, at ang mga mainstay na sina Tim Torre ng grupong Aurora, ‘Nonoy and Gigi’ nina Terlino Bajar at Geraldine Alandy, at Lily Canoza.
Mga co-host ng programa ang dating matinee idol at anak ng yumaong Comedy King Dolphy na si Ms. Sahlee Quizon, Rosemarie Victoria at ang entertainment columnist na si Lolipop.
