HATAW! D'yaryo ng Bayan hatawtabloid.com
“GUSTO ko munang lumayo sa comfort zone ko. Gusto kong mag-try ng iba naman. Para maka-try ako ng iba’t ibang klase ng trabaho,” ito ang iginiit ni Ryza Cenon ukol sa ginawang pag-alis sa GMA Artistst Center at paglipat sa bakuran ng Viva Artists Agency.
Ani Ryza, kaba at saya ang naramdaman niya nang pumirma ng kontrata sa VAA.
Iginiit din niyang sariling desisyon niya ang paglipat at hindi totoong may kinalaman ang kanyang boyfriend na si Cholo Barretto na VAA talent din.
Ani Ryza, kung posible nga ay ayaw ni Cholo na pareho sila ng management subalit wala naman nang magagawa ang binata sa naging desisyon niya.
Sa kuwento ni Ryza, ang Viva ang lumapit sa kanya at nag-offer na hawakan ang kanyang career. “May contract po ako sa GMA Artists Center pero sa network, wala po talaga. Mga four years ako na walang network contract,” anang dalaga.
Tiniyak din ni Ryza na hindi na siya magpapa-sexy at hindi na mauulit ang ginawa niya sa Ang Manananggal sa Unit-23B
“First and last na ‘yon. Sinabi ko sa Viva na marami pa akong kayang gawin, hindi lang maghubad.
“Gusto ko po na maging aktres, hindi sexy star. Gusto kong maging character actress.”
SHOWBIZ KONEK – Maricris Valdez Nicasio
