HATAW! D'yaryo ng Bayan hatawtabloid.com
KAHIT nirerespetong award winning actress na si Jodi Sta. Maria, hindi pa rin niya isinasantabi ang pangarap na maging doktor.
Ayon kay Jodi sa presscon ng Dear Other Self na showing sa May 17, nakahanap na siya ng home school para maipagpatuloy ang pag-aaral. Gusto niya talagang pahalagahan ang edukasyon at maging halimbawa sa kanyang anak.
Kung dati ay mas may edad sa kanya ang ka-partner niya gaya nina Richard Yapat Ian Veneracion, ngayon naman ay dalawang mas bata gaya nina Xian Lim atJoseph Marco. ‘Yung level ng maturity nina Joseph at Xian ay hindi naman nalalayo kay Jodi.
Hindi naman niya kailangang mag-adjust o magpabata.
“Sobrang blessing nga kasi pinadali nilang dalawa ‘yung trabaho ko. Kasi dumarating sila sa set na alam na nila ang gagawin nila. Nasa kanila naman ‘yung quality ng pagiging professional,” sambit ni Jodi.
Aminado ang aktres na nagtagisan ng abs sina Xian at Joseph sa Dear Other Self, pero hindi niya binigyan ng malisya. Ngumanga talaga si Becky (karakter ni Jodi) habang nasa harapan niya ang pandesal ni Joseph.
“Hindi ko na-appreciate ‘yung pandesal pero ang na-appreciate ko sa kanya ay ‘yung process kung paano niya nakuha ‘yung pandesal,” bulalas ni Jodi.
Dagdag pa ni Jodi, talagang maglalaan ka ng oras at determinasyon para makuha ang ganoong tipo ng katawan.
May ilang eksena ng Dear Other Self na kinunan sa Bangkok na nag-enjoy sila. Hindi siya sumakay sa elepante kundi pinaliguan nila. Ito ay sa direksiyon niVeronica Velasco.
Talbog.
TALBOG – Roldan Castro
