HATAW! D'yaryo ng Bayan hatawtabloid.com
AYAW kompirmahin ng aming source kung nililigawan ni Rayver Cruz si Janine Gutierrez dahil wala naman silang nakikita pang hakbang ang binatang aktor.
Minsan lang nagkita sina Rayver at Janine sa opening ng bagong tayong restaurant ng inang si Lotlot de Leon na South Grill sa Paranaque City na malapit din doon ang bahay ng aktor, sa BF Homes.
Kuwento ng aming source, ”madalas si Rayver sa restaurant nina Janine kasi paborito niya ‘yung pork belly at kasama niya kuya Rodjun niya.
“Tinutukso si Rayver kay Janine at ang ganda ng ngiti ni Rayver, halatang kinikilig.
“Nababaitan nga sa kanya (Rayver) si Lotlot, eh. If ever sigurong manligaw si Rayver kay Janine, welcome siya kay Lotlot kasi napaka-marespetong bata.”
Oo naman, sobrang ma-respetong tao ni Rayver at alam ng lahat ‘yan, hindi lang namin alam kung bakit hindi ito nakita ng magulang ni Sarah Geronimo noong sila pa ng aktor.
Anyway, sa ganang amin, masuwerte si Janine kung maging sila ni Rayver dahil bukod sa marespeto ay sobrang gentleman ng binata at knight in shining armor siya na anytime kailangan ng tulong ay mabilis pa sa alas kuwatrong darating ang aktor.
Speaking of Rayver ay kasama siya sa fantaseryeng Alamat na ang bida ay sina Bailey May at Ylona Garcia.
Bukod dito, kasama rin ang aktor sa Star Magic anniversary show sa Las Vegas, San Francisco at Hawaii thru TFC sa loob ng dalawang linggo kasama sina Jodi Sta. Maria, Liza Soberano, Enrique Gil, Robi Domingo, Arci Munoz, Eric Nicolas, Darren Espanto, Kim Chiu, Xian Lim, Sam Milby, at Piolo Pascual na kung hindi magbabago ay sa Abril 11, Martes na ang alis nila.
FACT SHEET – Reggee Bonoan
