HATAW! D'yaryo ng Bayan hatawtabloid.com
NILINIS ni BB Gandanghari ang pangalan nina Gretchen Barretto, Mariel Rodriguez, Pops Fernandez, at Ruffa Gutierrez dahil sila umano ang hinuhulaan ng kanyang followers sa Instagram na nang-insulto raw sa kanya noong magkita sila sa US.
Hindi kasi binanggit ni BB kung sino ang girl na umano’y retokada beauty na nambastos sa kanya. Dagdag pa ni BB mali lahat ang hula ng netizens dahil may class, breeding, at style ang mga artistang nabanggit. Hindi raw kayang bilhin ng tinutukoy niya ang style at breeding kahit may pera pa ito.
Klinaro rin niya na hindi niya intensiyong ilagay sa sitwasyon na hinuhusgahan ang mga retokada. Isinalarawan lang niya kung ano ang nababagay sa babaeng nambastos umano sa kanya.
Sino ba talaga ang tinutukoy ni BB?
TALBOG – Roldan Castro
