Alden, naninibago sa pag-arte

NAGSIMULA nang gumiling last December 21 ang taping ni Alden Richards ngDestined To Be Yours, ang kauna-unahang teleseryeng pagsasamahan nila ni Maine Mendoza.

At dahil one year and a half na nabakante sa paggawa ng teleserye si Alden, hindi nito maiwasang kabahan na 2014 pa ang huling seryeng ginawa.

Ani Alden, ”Ang tagal kong nabakante. Medyo may nerbiyos kasi halos one-and-a-half year din akong ‘di nakapag-soap.

“Nakapag-workshop naman po kami, siguro mga three weeks ago.

“Ang tagal ko na pong hindi naka-arte sa TV eh.”

At kung kabado si Alden ay mas may kabog sa dibdib si Maine lalo na’t ito ang una niyang pag-arte.

“Si Maine po kasi, ‘yung acting prowess niya, hindi pa niya nadi-discover, pero mayroon eh.

“Minsan siya pa mismo ang nagde-deny na parang hindi raw niya kaya, hindi pa raw siya marunong umarte.

“Sabi ko, akala lang niya ‘yun… mayroon eh , I can see it sa workshop namin.

“Kumbaga, ibang Maine po ang makikita natin dito, kasi ‘yung role niya dito, medyo challenging.

“May challenge rin po ang role ko. But ‘yung parang extra effort to portray the character, mas may intensity, mas may bigat,” paliwanag ni Alden.

MATABIL – John Fontanilla