HATAW! D'yaryo ng Bayan hatawtabloid.com
DALAWA ang sugatan makaraan sumalpok ang isang motorsiklo sa isang kotse kamakalawa ng gabi sa Parañaque City.
Ginamot sa Parañaque District Hospital ang mga biktimang si Vincent Quirante, 42, driver, at ang back rider niyang si alyas Alex, ng Bacoor, Cavite.
Sa imbestigasyon ni SPO1 Edgar Suarez ng Parañaque City Traffic Enforcement Unit, dakong 9:30 pm lulan ang mga biktima ng isang motorsiklo habang binabagbatas ang Roxas Blvd. nang sumalpok sila sa itim na Toyota Corolla (VC-8349) na minamaneho ni Luvern Sampang.
Sa salaysay ni Sampang, malayo pa lamang ay napansin na niya na pagewang-gewang ang motorsiklo hanggang sa bumangga sa kanyang sasakyan.
( JAJA GARCIA )
