Ayon sa CIDG: P30-M shabu sa cebu galing sa Bilibid

KINOMPIRMA ng Cri-minal Investigation and Detection Group (CIDG) nitong Sabado, nagmula sa New Bilibid Prisons (NBP) ang P30 milyon halaga ng ilegal na drogang nakompiska sa Brgy. Carreta, Cebu City.

Nakompiska ang 2.5 kilo ng shabu mula sa mga suspek na sina Joshel De Jesus at Roljoy Rosette sa isang drug buy-bust operation nitong Biyernes.

Nakasilid ang ilegal na droga sa isang paper bag na may Pamaskong disenyo upang magmistulang regalo.

Diin ni CIDG-Region 7 Supt. Fermin Armendares, naging mas mautak at mailap na ang mga sindikato ng droga sa harap ng kampanya ng pamahalaan kontra krimen.