Richard Yap, nainsulto sa ‘di quality ang Chinoy Mano Po 7

PAGKATAPOS ng Q and A ay tinanong namin si Richard Yap tungkol sa pagkakalaglag ng pelikula nila.

“Very disappointed kasi we were hoping na pumasok sana, but since hindi at nakita ko naman na lahat kami hindi pumasok (Vice Ganda/Coco Martin; Vic Sotto movie), okay lang.

“Of course, nalulungkot kaming lahat na hindi nakasali roon kasi we really did everything possible para maging worthy siya sa isang Metro Manila Film Festival entry.

“But we can’t do anything about it kasi ‘yun ang desisyon nila, so we just have to live with it and do our best by showing before the the MMFF para maging masaya pa rin ang mga tao kahit hindi na kami kasali sa festival,” reaksiyon ni RY.

Nakaramdam ba ng insulto ang cast ng Chinoy Mano Po 7 na hindi raw quality ang pelikula nila dahil nga hindi napili.

“Of course, I think, it’s not the right word to say, maybe it’s different criteria, hindi siguro sa quality kasi hindi naman namin ginawa ito parang basta-basta na ginawa lang.

“I think we also put in as much quality as we can into this film, we did everything we can, ginastusan din ito nina Mother and Roselle sa Regal para maging authentic lahat.

“We even went to Taiwan, so in terms of quality, I think, hindi naman kami talo ro’n and I disagree,” katwiran ng aktor.

Tungkol naman sa leading lady ni Richard na si Jean Garcia ay tinanong namin kung nag-level up na ang pagka-crush nito dahil ilang araw din silang magkasama sa Taiwan.

“Ha, ha, ha, ha, hindi naman. ‘Yung naging crush ko naging admiration kasi as we got to know each other, she’s a likeable person. We got to bond each other, parang naging magkaibigan lang kami,” tumatawang sabi ni Richard.

At dahil napanood ni Richard and bathtub scene nina Jean at Derek Ramsay ay tinanong ang tsinitong aktor kung kaya niyang gawin din ang eksenang iyon.

“Ay hindi naman.  Depende siguro at kung kailangan sa script,” natawang sabi ng aktor.

FACT SHEET – Reggee Bonoan