Neneng Gr. IV nabuwalan ng slide sa playground

BACOLOD CITY – Patay ang isang Grade 4 pupil makaraan madaganan ng slide sa playground sa public plaza ng Hima-maylan City, Negros Occidental kamakalawa.

Kinompirma ni Himamaylan City deputy chief of police, Insp. Reymundo Franco, nagkayayaan ang biktimang si Krisshia Mae Lipania, 10, grade 4 pupil sa Himamaylan City Central School, at mga kaibigan na maglaro sa playground sa liwasan ng kanilang lungsod.

Naglaro ang mga bata sa swing na nakakabit sa slide na bukod sa luma na, hindi pa matibay ang pagkakasemento ng pundasyon nito.

Nang sabay-sabay na naglaro ang mga bata ay hindi kinaya ng swing at slide at ito ay natumba at direktang tumama sa ulo ng biktima ang bakal.