Hiro, isang taon nang nakatengga

KAHIT mag-iisang taon nang tengga at hindi pa nasusundan ang Little Nanay, naghihintay pa rin si Hiro Peralta na mabigyan muli ng bagong serye ng Kapuso Network bago matapos ang taon.

Nakausap namin si Hiro sa isinagawang birthday fans day ng Hiro Rangers sa pakikipagtulungan ng GMA Artist Center, Ysa Skin and Body Experts, at Olive C.

Ani Hiro, “Siguro bukod sa good health sa akin at sa pamilya ko, wish kong magkaroon ulit ng serye. Medyo matagal-tagal na rin kasi nang natapos ang ‘Little Nanay’ at wala pang kasunod.

“Ako naman kasi naghihintay lang kung ano ang ibigay sa akin, mabuti na lang may ‘Unang Hirit’ ako,” anang binata.

At kung mabibigyan siya ng bagong proyekto, si Kris Bernal pa rin ang gusto niyang makapareha. “Gusto ko si Kris kasi okey na ‘yung working tandem namin.

“Hopefully ako na sana makatrabaho ko uli siya sa susunod na proyekto,” giit pa ni Hiro.

MATABIL – John Fontanilla