Ai Ai, ibinuyangyang ang pagkababae sa Area

BABY’S area!  In her status, it should be called space! Pero ang pelikula niyang ipalalabas naman sa Nobyembre 9 na pinag-uusapan na rin dahil sa pag-o-allout ng Comedy Queen na Ai Ai delas Alas sa drama ay may pamagat na Area.

Istorya ito ng buhay ng mga napag-iwanan o napaglipasan na ng panahong mga call girls o prostitutes sa lugar na kung tawagin ay Area.

Tuwang-tuwa si Madam Baby Go sa performance ni Ai Ai sa pelikula with an ensemble cast with Sue Prado, Sarah Brakensiek, Tabs Sumulong, at Ireen Cervantes na pawang mga pokpok din na may kanya-kanyang personalidad at hugot sa buhay ang ginampanan.

Dream role ito ni Ai Ai na nagulat nang malamang five times Best Actor winner na pala at may URIAN na si Allen Dizon, pati na si Sue na may URIAN Best Supporting Actress award na rin.

Sa Area rin malamang na matupad ‘yun para kay Ai Ai sa hindi maingay na pag-e-emote niya sa kinikimkim na pagnanais na mahanap ang napawalay na anak. Sumambulat ang ingay ni Ai Ai sa isang eksena nang magwala siya dahil nawala ang ipon niyang magiging daan sa paghahanap sa anak.

Direk Luisito Lagdameo “Louie” Ignacio, also Ai Ai’s director in Sunday Pinas Saya brought out the very best in Ai Ai as she breathed the character of Hillary in her most important film to-date!

Bakit hindi ito makalilimutan ni Ai Ai?

“For my role, sa character ko as Hillary, may scenes ako making out with an old man (Francisco Guinto, lead actor ng ‘Ari:My Life with A King’) na ang bayad sa akin lumang electirc fan, at ‘yung Siamese twins na magkadikit ang katawan at sardinas ang bayad sa akin. Ininterview ko rin sila. Yung isa kasi may asawa na. So nasanay na rin daw ‘yung isa when the time comes na may urge siya. Hindi ko mawari pero naitawid namin ang mga eksenang ‘yun. Si Ireen ang may full frontal nudity dito pero may scene ako na naliligo naman.”

HARDTALK – Pilar Mateo