HATAW! D'yaryo ng Bayan hatawtabloid.com
PINATUNAYAN ni Nathalie Hart na hindi lang siya palaban sa daring at sexy scenes, kundi may ibubuga rin siya sa acting. Nanalo kasing Best Actress si Nathalie kamakailan sa International Film Festival Manhattan sa New York para sa pelikulang Siphayo. Nasa Tate pa ngayon ang aktres at nang nakapanayam namin si Nathalie thru FB, ipinahayag niya ang kagalakan sa natamong award.
“I was just happy to attend and promote our film. I’m happy that we won, but it’s not just me. Everyone help me, especially my director-Direk Joel Lamangan. So, it’s for all of us,” wika ng tisay na aktres.
Dream come true ba ito sa iyo na ma-recognize ang acting mo at pang international filmfest pa? “Oo naman po, but I can’t wait to do more films and showcase my acting more.”
Matatandaang habang ginagawa ang Siphayo ay muntik nang umatras si Nathalie sa pelikula dahil sa mga nude scenes at love scenes na kailangan niyang gawin sa bagong obrang ito ng premyadong director na si Direk Joel Lamangan. Sa isa sa love scene niya kay Luis Alandy, nag-iiyak ang aktres at nagkulong sa comfort room dahil sa maselang eksenang kailangang gawin dito.
Ang Siphayo ay prodyus ng BG Productions International ng businesswoman na si Ms. Baby Go. Shocking ang kuwento ng pelikula dahil hindi lamang pagsasaluhan kundi pag-aagawan ng mag-aama si Nathalie rito na mauuwi sa bayolenteng trahedya. Showing na ang Siphayo sa November 2 at kahit siksik ito sa mga eksenang nudity at karahasan, binigyan ito ng MTRCB ng R-16 ratings without cuts. Ginawang konsiderasyon ng MTRCB ang maayos na pagkagawa sa pelikula, magandang sinematograpiya, mahuhusay na pagganap ng mga artista, at ang social message sa kabuuan ng kuwento ng pelikula.
ALAM MO NA! – Nonie V. Nicasio
