Marahas na dispersal sa US embassy state terrorism — Sandugo

BINATIKOS ng Sandugo, pambansang alyansa ng Moro and indigenous people, ang marahas na dispersal sa mga raliyista sa harap ng US Embassy nitong Miyerkoles na marami ang nasugatan.

“Sandugo not only refutes reports blabbered by the Manila Police District that the ensuing violence was a result of provocation from the rallyists, we also go as far as branding this heinous incident as state terrorism – and a blatant act of discrimination against national minorities who compose majority of yesterday’s mobilization,” pahayag ni Piya Macliing Malayao, secretary-general ng Katribu at lead convenor ng Sandugo.

Ayon kay Malayao, “The brutal dispersal was an attack with impunity. It vividly shows how in the Philippines, police forces are not acting to serve and protect Filipinos, but their US overlords. The incident clearly shows how the US remains to be the real boss when it comes to state affairs.”

Si Malayao ay kabilang sa mga nasugatan nang sagasaan ni PO3 Franklin Kho ng Manila Police District (MPD) ng police mobile ang mga nagpoprotesta sa harap ng US Embassy.

Siya ay nagpapagaling sa Philippine General Hospital, kasama ng iba pang mga biktima kabilang ang isang babaeng estudyante na miyembro ng Kabataan Partylist, isang matandang babaeng Lumad at isang jeepney driver na sinagasaan ng isang pulis.

Sa inisyal na ulat mula sa Health Action for Human Rights (HAHR), umabot sa 30 katao ang malubhang nasugatan sa insidente.

“This travesty against national minorities has been committed in broad daylight for the world to see. We seek justice against the perpetrators, and beyond that, national minorities seek to emphasize our message during the protest: that state violence remains and continue to attack Moros and indigenous peoples everywhere,” pahayag ni Malayao.

Sa news briefing kahapon, muling sinabi ng Sandugo, sapat ang ebidensiya na magpapatunay na hindi nila pinagtangkaang sirain ang police vehicle, taliwas sa pahayag ni MPD Senior Supt. Marcelino Pedroza na sinasabing siyang nag-utos sa dispersal.

Sa bagong video footages na ipinakita sa news conference, malinaw na mapapanood kung paanong nag-atras-abante ang sasakyan upang sagasaan ang mga raliyista sa “layuning makapinsala o makapatay.”

Sinabi ni Jerome Succor Aba, national spokesperson ng Suara Bangsamoro, desidido silang isampa ang kasong kriminal sa mga tauhan ng MPD, lalo na kina Pedrozo at Kho, ang driver ng sasakyan.

“If we carefully review the video footages, we can hear Pedroza actually ordering his men to go after the protesters to save face from the US Embassy,” pahayag ni Aba.

Sa ilang video footages, maririnig si Pedrozo na sinasabi ang katagang, “Wala man lang kayong hinuli, ang dami-dami niyan… Magkagulo na kung magkagulo, pulis tayo rito e. Puwede ba tayong patalo sa mga ‘yan? Anong mukhang ihaharap natin sa [US] embassy? Kaya i-disperse mo ‘yan.”

Aniya, hindi lamang dapat sibakin sa tungkulin ang mga sangkot sa insidente, dapat din silang panagutin at tuligsain ng mga Filipino dahil sa pagiging traydor sa sarili nilang kababayan.

Nanawagan ang Sandugo kay Pangulong Rodrigo Duterte, kasalukuyang nasa China, na aksiyonan ang insidente.

“We call on President Duterte to not only act against the perpetrators of this heinous incident but also aid national minorities in our call against imperialist plunder and domination,” pahayag ni Malayao.