1 patay, 4 sugatan sa banggaan ng 2 sasakyan sa Quezon

NAGA CITY- Patay ang isang lalaki habang sugatan ang apat iba pa sa salpukan ng dalawang sasakyan sa New Zigzag Road ng Sitio Upper Sapinit, Brgy. Silangang Malicboy, Pagbilao, Quezon kamakalawa.

Kinilala ang namatay na si Ryan Briones, 29, habang sugatan sina Michael Bautista, 38; Jhoemar Misolas, 23; Marlon Bibal, 32; at Manny An Montalbo, 26.

Batay sa ulat, binabaybay ng trailer truck na minamaneho ni Bautista ang palikong bahagi ng naturang kalsada nang biglang mawalan ng kontrol sa nasabing sasakyan.

Dahil dito, nagtuloy-tuloy ang trailer truck hanggang mabangga ang kasalubong na jeep na minamaneho ni Misolas.