HATAW! D'yaryo ng Bayan hatawtabloid.com
PATAY ang isang traffic enforcer makaraan mabangga at magulungan ng truck habang sakay ang biktima ng kanyang motorsiklo sa Valenzuela City kamakalawa ng hapon.
Kinilala ang biktimang si Raymart Discaya, 25, ng 741 Francisco St., Paso De Blas ng nasabing lungsod.
Habang nakapiit sa himpilan ng pulisya ang driver ng Isuzu truck (AGA-7608) na si Charly Turtoga, 26, ng 1001 Gen. San Miguel St., Sangandaan, Caloocan City.
Ayon kay Valenzuela Police traffic investigator, SPO2 Tirso Delina, dakong 4:25 pm, kapwa binabagtas ng dalawang sasakyan ang kahabaan ng Gen. Luis St., Paso De Blas nang mahagip ng truck na minamaneho ni Turtoga ang motorsiklong (7949-NG) minamaneho ng biktima na nagresulta sa pagkamatay ni Discaya.
( ROMMEL SALES )
