Ana Feliciano, balik-sigla na ang dancing career

KAPANSIN-PANSIN ang unti-unting exposure sa Wowowin ng dating Dancing Queen ng telebisyon, si Ana Feliciano.

Matagal din siyang nawala buhat noong matsugi ang programa ni Willie Revillame sa TV5.

Sikat na sikat na sana noon si Ana na reyna ng mga dancer sa Wowowin. Well, ngayong bumalik na sa Kapuso Network ang Wowowin tila muling mabubuhay ang siglang nawala sa reyna ng mga sayaw.

Nakaaaliw manood ng Wowowin kung sa ibang programa pagandahan ng sayaw at bihis at pagandahan ng face, well ibahin ang programa ni Willie ngayon.

Mas nagki-klik kapag sabukot ang buhok, maasim ang mukha dahil sa make-up tiyak mapipili ka sa contest nito araw-araw. At noticeable rin halos umuulan ng pera sa studio. Araw-araw walang problema malayo man tirahan ng gustong manood, may libreng pamasahe ang TV host para sa kanila. Nagpapamigay man si Willie, sobrang balik-biyaya naman ang dumarating sa kanya.

SHOWBIG – Vir Gonzales