Magsiyota tinangay, pinatay ng CDS

NATAGPUANG kapwa walang buhay dakong 5:00 am ang magkasintahan makaraan tangayin ng mga kalalakihang hinihinalang mga miyembro ng Caloocan Death Squad (CDS) kahapon ng madaling-araw sa nabanggit na lungsod.

Kinilala ang mga biktimang si Liezel Lamberte at kasintahan niyang hinihinalang tulak ng droga na si alyas Richard, kapwa residente ng Kawal St., Dagat-dagatan.

Ayon sa mga kaanak, , habang nakikipaglamay ang dalawa nang dumating ang mga kalalakihang pawang naka-bonnet at tinangay ang mga biktima.

Pagkaraan ay natagpuan ang mga biktima na wala nang buhay at tadtad ng tama ng bala ng baril sa katawan sa isang madamong lugar sa Reparo Road, Brgy. 161.

( ROMMEL SALES )