Jean, na-miss ang pag-arte

FIERCEST and feistiest. Are the women of Tubig at Langis fighting for the love of a man?

‘Yan ang ikot ng buhay nina Irene at Clara portrayed by Cristine Reyes and Isabelle Daza kasama ang lalakeng si Natoy na ginagampanan ni Zanjoe Marudo.

Umaatikabong sampalan, sabunutan, sigawan, at awayan ng dalawang nagmamahal ang nasasaksihan ng manonood tuwing hapon.

Kaabang-abang ang bawat eksena at nakakasama na rin sa pagtatalo ang karakter ni Dionne Monsanto.

At ang isa pang lalong nagbibigay-kulay sa buhay ng mga bida ay si Jean Saburit na pumalit sa nawalang si Vivian Velez.

“Kaibigan ko naman ang business unit head na si Ruel S. Bayani. One time, magkasama kami and nabanggit nga sa pinag-uusapan nila ng mga kasama niya na kailangan nila ng another character sa show kasi nga umalis na si Vivian who is my friend. Sabi ko, bakit naghahanap pa siya eh, heto naman ako. Eh, nakasama na ako sa ilang shows niya. So, nami-miss ko naman ang pag-arte uli. Every now and then kasi I stay with Nicole (Andersson), my daughter sa San Francisco. And there was a time had to take care of my sick Mom. Kaya lagi rin ako sa ICU sa Kaiser Permanente. Eh, wala namang TFC sa hospital.”

At lahat sila ay may problema ngayon dahil ilang linggo na lang eh, magwawakas na ang soap. Paano ba hinaharap ang separation anxiety?

May magandang rason for Isabelle dahil aalis na ito sa September 2 palipad ng Italy para asikasuhin ang kasal nila ng kasintahan.

Nag-iyakan na ang girls. Sinimulam ng bagets kasi.

At ang mga pahayag ni Zanjoe ay nalagyan ng ibang kahulugan dahil may tono ng panghihinayang na may nagmamay-ari na sa puso ni Belle. Iniwasan. Inilagan.

May pangako ang grupong siguradong hindi na bibitaw ang mga manonood sa mga susunod na pasabog nina Irene at Clara!

HARDTALK – Pilar Mateo