HATAW! D'yaryo ng Bayan hatawtabloid.com
BONGGA ang ginanap na 77th birthday ni Mother Lily Monteverde sa Valencia Events Place noong Biyernes ng gabi dahil bumaha talaga literal ng pagkain, prutas, at inuming hindi nakalalasing.
Organisado ang ginanap na party dahil may assigned table sa bawat bisitang dumalo.
Na-touched ang lahat ng entertainment press sa napaka-madamdaming speech ni Mother Lily pagkatapos niyang i-blow ang candle sa cake niya.
“I celebrate 77 years of my colorful life for the unsung heroes of Mother Lily’s life and Regal Films. My dear editors, reporters as it is for me and my family. As you very well know my love affair with the entertainment press is a very good material for a movie.”
Nabanggit ding hindi naman sa lahat ng oras ay smooth ang pagsasama ng media at ng Regal Films producer.
“Through the years our relationship maybe compared to Romeo and Juliet. Other times naman parang si Tom Cruise, Mission Impossible.
“What I’m trying to say is hindi laging smooth ang pinagdaraanan ni Mother Lily as a producer trying to keep up with the times, but you my friends from the media have always stood by me thru thick and thin.
“Mother Lily has not forgotten. I will never forget all the help you have given me and Regal Films.
“Kung wala kayo wala rin si Mother Lily at ang Regal. That is why I dedicate this party to you.
“Sana magkasama-sama pa tayo ng another 77 years magloka-lokahan, chika chikahan, at okray-okrayan. As I always say I may not be a Taipan but I am definitely rich in terms of friends from in and out of showbiz.”
Nasa party sina Ai Ai de las Alas bilang host kasama ang katotong Jun Nardo, Janella Salvador, Derrick Monasterio, Mowelfund Chairwoman, Ms Boots Anson- Rodrigo na nagbigay ng P1-M donasyon ang lady producer bilang pandagdag pondo para sa pangangailangan na mga kapatid sa showbiz.
Naroon din sina Sam Milby na nagpa-picture pa kay mixed martial arts champion Brandon Vera, Billy Crawford, mag-inang Susan Roces at Senadora Grace Poe-Llamanzares, Senator Dick Gordon, Annabelle Rama at Eddie Gutierrez, Lance Raymundo, direk Mac Alejandre, komedyanteng si Atak, Direk Joel Lamangan, kapatid ni Gerald Anderson na si Ken Anderson, mag-asawang direk Carlo Caparas at Donna Villa, Direk Elwood Perez, direk Jun Lana at Percy Intalan, Eat Bulaga TV executive Malou Choa-Fagar, Kiray, National Bookstore at Swatch owner, Ms Virgie Ramos, direk Manny Castaneda, Christopher de Leon, Ms Lyn Cruz at anak, GMA executives na sina Joey Abacan, Gigi Santiago, Reggie Magno, Marivin Arayata, IC Mendoza, MTRCB Chairman Toto Villareal, Kean Cipriano at Chynna Ortaleza at iba pa.
Bukod sa Mowelfund, nagbigay din si Mother Lily ng karagdagang pondo para sa Philippine Movie Press Club o PMPC, Entertainment Press Society o Enpress, at samahan ng mga editor na SPEED ng tig-P100, 000.
IIsa ang pahayag tungkol kay Mother Lily, “siya na lang ang movie producer na marunong kumilala sa press na sa bawat tagumpay ng pelikula niya ay hindi siya nakalilimot.”
FACT SHEET – Reggee Bonoan
