1 patay, 7 sugatan sa nahulog na jeep sa bangin sa CamSur

NAGA CITY – Patay ang isang lalaki habang sugatan ang pitong iba pa nang mahulog sa bangin ang kanilang sinasakyang jeep sa bayan ng Presentacion, Camarines Sur kamakalawa.

Kinilala ang namatay na si Roberto Maco, 43; habang sugatan sina Ruby Sebuguero, 52; Vilma Villareno, 42; Ynez Villareno, 40; Milagros Pana, 39; Amy Sebuguero, 36; Domingo Roldan at Rufo Rosales.

Habang binabaybay ng pampasaherong jeep na minamaneho ng ni Rico Bropas, 38, ang kalsada sa Brgy. Ayugao sa nasabing bayan nang mawalan ito ng preno.

Bunsod nito, nahulog sa bangin ang pampasaherong jeep at naipit si Maco na nagresulta sa agaran niyang kamatayan.

Habang nasugatan ang pitong iba pang mga biktima na isinugod sa pagamutan.

Sa imbestigasyon ng mga awtoridad, nabatid na nahaharap din ang suspek sa kasong paglabag sa RA 9262 o ang Anti-Violence Against Women and Their Children Act of 2004.

Sa ngayon, nasa kostudiya na ng mga awtoridad ang suspek.