Housemates ng PBB7, dinala pa sa Vietnam

SOSYAL ang Season 7 ng Pinoy Big Brother dahil may bagong bahay na titirhan ng mga napiling housemates, sa Ho Chi Minh, Vietnam.

Ang ilan celebrities na lumipad patungong Vietnam noong Martes ng tanghali ay sina Yassi Pressman (Viva artist), Nikko Natividad (Gandang Lalaki winner ngIt’s Showtime), at Hashtag member McKoy de Leon.

Na-hold naman sa Immigration sina Juan Karlos Labajo, Jinri Park, at hunk housemate dahil nagkaroon daw ng problema sa immigration cards at visa.

Ayon sa ulat sa TV Patrol, walang idea ang celebrity housemates kung saan sila dadalhin dahil blindfolded sila, nakasuot ng hood at naka-earphone para hindi marinig ang usapan pero tiyak na may idea naman siguro sila na sumakay sila ng eroplano.

Sa tanong kay ABS-CBN head of Production na si Direk Laurenti Dyogi kung bakit sa ibang bansa gagawin ang PBB 7, sinabi nitong, ”Sa tagal na natin sa ere, eh, medyo nakabisado na ng mga viewer, ng ating housemates.

“Gusto rin natin ng isang lugar na kahit sa history natin ay may relationship, there were Vietnamese refugees in Palawan and marami tayong similarities tulad na lang sa prutas at sa temparatura,” paliwanag nito.

Samantala, mapapanood na ang PBB7 sa Hulyo 11, Lunes at papalitan niya angJane The Virgin at We Love OPM na napapanood naman tuwing Sabado at Linggo.

FACT SHEET – Reggee Bonoan