Tulak na ex-parak, 1 pa utas sa sagupaan

PATAY ang dalawang hinihinalang tulak ng droga, kabilang ang isang dating pulis, makaraan makipagbarilan sa mga awtoridad sa drug-bust operation sa Caloocan Citykamakalawa ng gabi.

Kinilala ang mga supek na sina Elmer Nicdao, sinasabing number 1 tulak sa kanilang lugar sa Brgy. 176, Bagong Silang, Caloocan City, at dating PO1 Aljen Jaquines, residente sa Longos, Malabon City.

Ayon sa pulisya, naganap ang insidente dakong 7:30 pm sa bahay ni Nicdao.

Napag-alaman, tinungo ng mga tauhan ng Station Anti-Illegal Drugs North Team ng Caloocan PNP ang nasabing lugar makaraan makatanggap ng tawag mula sa isang impormante hinggil sa transaksiyon ng mga suspek.

Pagsapit sa nasabing lugar ng mga awtoridad, napansin sila nina Nicdao at Jaquines na mabilis na pumasok sa isang shanty at pinaputukan ang mga pulis.

Gumanti ng putok ang mga pulis na nagresulta sa pagkamatay ng mga suspek.

Narekober mula sa mga suspek ang isang .38 kalibre ng baril at hindi pa nabatid na dami ng shabu.

( ROMMEL SALES )