HATAW! D'yaryo ng Bayan hatawtabloid.com
NAGSIMULA nang mag-shooting two weeks ago sina Kikay at Mikay para sa kanilang unang pelikula na pinamagatang Field Trip. Ayon sa kuwento sa amin ng mother ni Kikay na si Mommy Diana Jang, two days straight daw nag-shooting sa Laguna ang dalawa.
Sina Kikay at Mikay na kapwa contract artist ng Viva ay likas na talented. Hindi lang kasi sa pag-arte sila magaling, pati sa sayawan at kantahan ay puwede silang isabak. Incidentally, five years ang contract ng dalawa sa Viva at si Tita Mercy Lejarde ang co-manager nila.
Si Kikay ay 7 years old, samantalang si Mikay ay 10 years old naman. Kahit nasa showbiz na sila, kapwa hindi pinapabayaan ng dalawa ang kanilang studies.
Actually, parehong matalino sina Kikay at Mikay.
Tinanong namin si Mommy Diana kung ano ang role rito nina Kikay at Mikay.
“Kabilang sila sa mga estudyante na may very supportive na parents, lalo na sa pag-aaral nila. Compare sa iba nilang kasamahan na walang pakialam tulad ng isang bata na pinabayaan ng magulang noong nagkaroon ng field trip ang school.
“Super-saya ang mga estudyante at doon na mag-i-start ang kuwento.”
Ang pelikula raw ay drama at ang aktor na si Mike Magat ang director nito.
Nabanggit naman ni Kikay na nag-enjoy at excited sila ni Mikay sa shooting nito.
“Yes po Tito, super-saya at na-excite kami dahil on the way pa lang, sa bus ay start na ng shooting. Para pong nagpi-field trip talaga kami at masaya talaga dahil ang dami din naming na-meet na bagong friends dito.”
May mapupulot na aral ba sa movie nyo?
Sagot ng cute na si Kikay, “Opo, parang sa totoong buhay ito na maraming aral at kapupulutan din ng inspirasyon. Sabi po ni Direk Mike, inspirational film ito at makaka-relate din ang mga parents sa mga anak nila. Ipapakita po kasi sa movie na dapat suportahan ng parents ang mga anak sa mga dreams nila, lalo na po sa studies at mga pangangailangan nila.”
ALAM MO NA! – Nonie V. Nicasio
