Bakit natalo si Mar Roxas

NAKAPAGTATAKA ba na natalo sa isang pambansang halalan ang manok ng ruling party?

Totoo po ‘yan, marami talaga ang nagtataka, kung bakit.

At lalong marami ang nagulat na nagna-number one ngayon ang kanyang bise presidente at mas malaking ‘di hamak ang boto sa kanya.

Kaya mas lalong nagiging kataka-taka ang pagkatalo ni Mar.

At nababahiran din ng duda ang pag-ungos ng kanyang VP.

Pero ang sabi naman ng mga nakakausap natin sa Manila International Airport Authority (MIAA), sa Bureau of Customs (BoC), sa Bureau of Quarantine (BQ), sa Bureau of Internatl Revenue (BIR) at sa Bureau of Immigration (BI), hindi raw talaga mananalo si Mar dahil walang bumotong government employees sa kanya, lalo sa mga ahensiyang nabanggit natin.

Sino ba naman ang boboto sa isang government official na walang ginawa kundi tanggalan ng benepisyo at incentives ang government employees?!

Hindi ba’t noong siya pa ang Department of Transportation and Communications (DoTC) Secretary  ‘e siya ang pasimuno ng pagpapatanggal ng overtime pay ng mga empleyado sa BoC, BQ, at BI na nakatalaga sa airport terminals at sa iba pang ports and subports?

Hindi lang ‘yan maging ang benefits, bonus, CNA bonus ng mga MIAA employess ay nawala?!

‘Yun mga customs officials na ibinartolina sa CPRO at kahit nakabalik na sa BOC ay nakatengga at nganga pa rin hanggang sa ngayon.

‘E sino ang boboto sa kanyang empleyado ng mga ahensiya na ‘yan kung maraming naprehuwisyo sa kanya?!

Baka akala ni Mar ‘e ilan lang ‘yan?!

 E ‘yung multiplying effect niyan? Pamilya, kaibigan at iba pang mga government employees na puwede nilang maimpluwensiyahan?!

Tsk tsk tsk…

Wala talagang boboto sa isang kandidato na walang malasakit sa government employees.

Ang mga nasa itaas lang ang masaya pero ang mga nasa ibaba dusa at hirap!

Kaya ‘wag na kayong magtaka kung bakit hindi nanalo si Mar sa mga ahensiyang ‘yan.

Sa mga nangyaring ‘yan, hindi natin alam kung magkakapuwang pa sa gobyerno si Mar.

Kunsabagay, weder-weder lang ‘yan…

‘Yan ay kung magpapatawing-tawing pa si President-elect Digong Duterte sa pagdadala ng tunay na pagbabago…

Kung magtatagumpay si Digong sa kanyang isinusulong na bagong sistema ng gobyerno masuwerte nang sa kangkungan pulutin ang kampo ni PNoy at Mar at hindi sa kalaboso.

Arayku!

Illegal drug user sa CAAP-OTS tukuyin

Medyo mabigat ang akusasyon an naririnig natin sa Ninoy Aquino International Airport (NAIA).

Mayroon daw ilang kagawad ng Office for Transportation Securoty (OTS) ang sangkot sa paggamit ng ilegal na droga.

Ang mga taga-OTS po ang inaakusahang pasimuno ng mga tanim-bala incidents sa airport na pinakahuling biktima ang mag-asawang Esteban at Salvacion Cortabista.

Kahapon, nakaalis na ang mag-asawa patungong Estados Unidos. Sinamahan sila ng kanilang mga anak ni Public Attorney’s Office (PAO) chief, Atty. Persida Acosta sa NAIA Terminal 2 at inihtid sa kanilang flight patungong Los Angeles.

Nitong Biyernes, naghain ng reklamo ang mag-asawa sa Pasay Prosecutor’s Office laban sa mga taong pinaniniwalaan nilang nasa likod ng tanim-bala modus at tangkang extortion kabilang na nga diyan ang taga-OTS.

Dapat na sigurong trabahuin ng Civil Aviation Authority of the Philippines (CAAP) ang isyu na ‘yan lalo’t napapabalitang ang ilag sangkot diyan ay sangkot sa paggamit ng ilegal na droga.

Hindi lang ‘yang pagsusuot na white gloves kundi isalang din sa drug test.

Sa pamamagitan nito matutukoy na kung sino ang mga pasimuno ng tanim-bala modus operandi na ‘yan.

Nakatatakot kung may nakalulusot na drug user sa loob ng airport. Delikado ang seguridad ng mga pasahero ng airlines.

Paging CAAP!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com