RATED R
ni Rommel Gonzales
NAGLIWANAG ang iba’t ibang henerasyon ng aktres sa pangunguna nina Vilma Santos-Recto, Maricel Soriano, at Maris Racal dahil sa tinanggap nilang bigating awards sa 42nd Star Awards for Movies na ginanap sa Winford Resort and Casino Manila noong Linggo, Oktubre 25, 2026.
Pinarangalan ng PMPC Star Awards Inc. ang Star for All Season ng Hall of Fame sa kategoryang Movie Actress of the Year dahil sa 10 beses niyang pagkapanalo sa naturang kategorya sa mga nagdaang edisyon ng Star Awards for Movies. Siya rin ang kauna-unahang aktres na nabigyan ng PMPC ng Hall of Fame award.
Labis din ang pasasalamat ng Batangas Governor dahil malaking karangalan ito sa kanya. Biro nga niya, baka hindi na siya mabigyan pa ng award ng PMPC. Gayunman, sinabi niyang hindi ito mangangahulugan na titigil na siya sa pag-arte.
Espesyal na hirana naman bilang tribute kay Ate Vi ang handog ng kanyang mga kaibigan at dating leadingmen na sina Edgar “Bobot” Mortiz at Tirso Cruz III.
Nagwagi naman bilang Movie Actress of the Year ang Diamond Star na si Maricel at si Maris, na parehong present at personal na tinanggap ang kanilang tropeo. Nanalo si Maricel sa mahusay niyang pagganap sa pelikulang Meet, Greet & Bye, habang si Maris ay nagpakitang-gilas bilang bida ng Sunshine. Nag-uwi rin ng special award si Maris, ang Doye’s Skin Female Face of the Night.
Kabilang din sa mga aktres na pinarangalan sina Sylvia Sanchez at Krystel Go, na gumanap bilang mag-ina sa ImPerfect. Si Sylvia ang itinanghal na Movie Supporting Actress of the Year, habang New Movie Actress of the Year ang iniuwing award ni Krystel. Masayang-masaya rin ang dalawa dahil ang ImPerfect ang nagwaging Movie of the Year. Pati ang direktor nitong si Sigrid Andrea Bernardo ay nanalo ring Screenwriter of the Year.
Ipinagmamalaki nila ang panalong ito dahil sa magandang kuwento ng pelikula tungkol sa Persons With Disability, na pinagbidahan din ng real-life PWDs.
Ang Sunshine ay ukol sa women empowerment, na kinilalang Indie Movie of the Year habang ang direktor nito na si Antoinette Jadaone ang nagwaging Indie Movie Director of the Year.
Hindi nakadalo ang Nora Aunor Ulirang Artista Lifetime Achievement Awardee na si Megastar Sharon Cuneta pero tinanggap ang award ng mismong anak niyang si Kakie, na kumanta ng dalawa sa mga sikat naawitin ng kanyang ina.
Hindi rin nagpahuli ang mga kalalakihan nang manalo si Jericho Rosales bilang Movie Actor of the Year para sa Quezon. Si Richard Quan ang nagwagi bilang Movie Supporting Actor of the Year para sa How to Get Away with My Toxic Family. Movie Director of the Year naman si Lester Pimentel Ong para sa The Delivery Rider. Si Lucas Andalio ang Movie Child Performer of the Year para sa Call Me Mother.
Espesyal naman para sa beteranong aktor at Mowelfund President, Rez Cortez ang pagtanggap niya sa Nora Aunor Ulirang Artista Lifetime Achievement Award dahil ang PMPC ang kauna-unahang nagbigay ng ganitong parangal sa kanya.
Dumalo sa event si Ian de Leon, ang anak ng yumaong Superstar at National Artist na si Nora Aunor para igawad kay Rez ang parangal gayundin kay Kakie para naman sa Megastar.
Bukod kay Vilma, iniluklok na rin sa Hall of Fame ang National Artist na si Ricky Lee sa kategoryang Movie Screenwriter of the Year, habang si Albert Michael Idioma ang elevated sa Hall of Fame para sa Movie Sound Engineer of the Year.
Tinanggap ng aktor at dating Child Wonder na si Niño Muhlach ang award para sa kanyang ama na si Alex Muhlach, na itinanghal na Ulirang Alagad ng Pelikula sa Likod ng Kamera Lifetime Achievement Award.
Present din sa awards night sina Boots Anson-Roa at Direk Dan Villegas para magbigay-parangal sa mga Lifetime Achievement Awardee at Hall of Famer.
Marami ang kinilig sa pagkapanalo nina Fyang Smith at JM Ibarra ng Movie Loveteam of the Year para sa Shake, Rattle & Roll: Evil Origins.
Nagsilbi namang hosts ng Gabi ng Parangal sina Beauty Gonzalez, Emma Tiglao, Jameson Blake, at Tony Labrusca, na nakasungkit din ng special award na Doye’s Skin Male Face of the Night.
Nag-perform sa opening ang OPM Chief at actor-TV host na si Ogie Alcasid. Habang nagkaroon naman ng spot number si Asia’s Phoenix Morissette.
Ang 42nd Star Awards for Movies ay inorganisa ng mga opisyal at miyembro ng PMPC Star Awards Inc. sa pangunguna ng Pangulo nitong si Fernando de Guzman kasama ang Chairman ng Star Awards for Movies ngayong taon na si Melba Llanera. Si Vivian Poblete Blancaflor ang tumayong direktor ng awards night.
Naging katuwang ng PMPC sa Gabi ng Parangal bilang producer ang The Revival King na si Jojo Mendrez at ang EV Production and Events.
Nakipagsanib-pwersa rin ang PMPC sa PlayTime Entertainment, na tatlong taon nang sumusuporta sa grupo sa iba’t ibang format nito: Movies, Television, at Music.
Nagpapasalamat din ang PMPC sa Winford Resort and Casino Manila, na ilang beses nang naging tahanan at venue para sa Star Awards for Movies, TV at Music.
Ang 42nd Star Awards for Movies ay suportado rin ng Abante News TV bilang official media partner, Puregold Teatro Panalo, Goprint Services, Doye’s Skin… Korea Skin, IOSS Insurance Agency Inc., Dexter’s Pizza, at Groovy Cafe.
Samantala, narito ang kompletong listahan ng mga nanalo sa 42nd Star Awards for Movies:
MOVIE ACTRESS OF THE YEAR
Maris Racal (‘Sunshine”) and Maricel Soriano (“Meet, Greet & Bye”)
MOVIE ACTOR OF THE YEAR
Jericho Rosales (“Quezon”)
MOVIE OF THE YEAR
“ImPerfect”
MOVIE DIRECTOR OF THE YEAR
Lester Pimentel Ong (“The Delivery Rider”)
INDIE MOVIE OF THE YEAR
“Sunshine”
INDIE MOVIE DIRECTOR OF THE YEAR
Antoinette Jadaone (“Sunshine”)
MOVIE SUPPORTING ACTOR OF THE YEAR
Richard Quan (“How to Get Away with My Toxic Family”)
MOVIE SUPPORTING ACTRESS OF THE YEAR
Sylvia Sanchez (“ImPerfect”)
NEW MOVIE ACTOR OF THE YEAR
JM Ibarra (“Child No. 82: Anak ni Boy Kana”)
NEW MOVIE ACTRESS OF THE YEAR
Krystel Go (“ImPerfect”)
MOVIE CHILD PERFORMER OF THE YEAR
Lucas Andalio (“Call Me Mother”)
MOVIE ENSEMBLE ACTING OF THE YEAR
“Meet, Greet & Bye”
INDIE MOVIE ENSEMBLE ACTING OF THE YEAR
“Lasting Moments”
MOVIE SCREENWRITER OF THE YEAR
Sigrid Andrea Bernardo (“ImPerfect”)
MOVIE CINEMATOGRAPHER OF THE YEAR
Raymond Red (“The Manila’s Finest”) and Pong Ignacio (“Quezon”)
MOVIE EDITOR OF THE YEAR
Marya Ignacio (“ImPerfect”)
MOVIE PRODUCTION DESIGNER OF THE YEAR
Monica Sevilla (“Quezon”)
MOVIE MUSICAL SCORER OF THE YEAR
Paolo Protacio (“100 Awit Para Kay Stella”)
MOVIE SOUND ENGINEER OF THE YEAR
Fatima Nerikka Salim and Immanuel Verona (“P77”)
MOVIE THEME SONG OF THE YEAR
Sandalan (“The Manila’s Finest”)
INDIE MOVIE SCREENWRITER OF THE YEAR
Dustin Celestino (“Habang Nilalamon ng Hydra ang Kasaysayan”)
INDIE MOVIE CINEMATOGRAPHER OF THE YEAR
Pong Ignacio (“Song of the Fireflies”)
INDIE MOVIE EDITOR OF THE YEAR
Benjamin Tolentino (“Sunshine”)
INDIE MOVIE PRODUCTION DESIGNER OF THE YEAR
Lav Diaz (“Magellan”)
INDIE MUSICAL SCORER OF THE YEAR
Rico Blanco (“Sunshine”)
INDIE MOVIE SOUND ENGINEER OF THE YEAR
Lamberto Casas Jr. and Kevin Padilla (“Journeyman”)
INDIE MOVIE THEME SONG OF THE YEAR
Alitaptap (“Song of the Fireflies”)
DOCUMENTARY MOVIE OF THE YEAR
“Food Delivery: Fresh from the West Philippine Sea”
SHORT MOVIE OF THE YEAR
“City’s Laundry and Taxes”
SHORT MOVIE DIRECTOR OF THE YEAR
Arvin Belarmino and Kyla Danelle Romero (“Agapito”)
DARLING OF THE PRESS
Chris Cahilig
MOVIE LOVETEAM OF THE YEAR
JM Ibarra and Fyang Smith (“Shake, Rattle & Roll: Evil Origins”)
NORA AUNOR ULIRANG ARTISTA
LIFETIME ACHIEVEMENT AWARDEES
Sharon Cuneta
Rez Cortez
ULIRANG ALAGAD NG PELIKULA SA LIKOD NG KAMERA LIFETIME ACHIEVEMENT AWARDEE
Alex Muhlach
ETHEL RAMOS DEAN’S LISTER AWARDEES
Erlinda Rapadas
Joe Barrameda
HALL OF FAME AWARDEES
HALL OF FAME — MOVIE ACTRESS OF THE YEAR
Vilma Santos-Recto
HALL OF FAME — MOVIE SCREENWRITER OF THE YEAR
Ricky Lee
HALL OF FAME — MOVIE SOUND ENGINEER OF THE YEAR
Albert Michael Idioma
PLAYTIME FAN FAVORITE MOVIE OF THE YEAR
“Call Me Mother”
DOYE’S SKIN MALE FACE OF THE NIGHT
Tony Labrusca
DOYE’S SKIN FEMALE FACE OF THE NIGHT
Maris Racal
