SHOWBIZ KONEK
ni Maricris Valdez
INIHAYAG na ang 26 pelikulang kalahok at maglalaban-laban sa inaabangang CinePanalo Film Festival 2026.
Isa-isang ipinakilala ang mga kalahok sa Student Shorts Category at Full Length Film sa naganap na grand media conference sa Quantum Skyview sa Gateway Mall 2, Araneta City sa Cubao, kamakailan.
Hosted by TV and movie personality Migs Almendras, ang Puregold CinePanalo Film Festival mediacon ay nagsilbing pagkakataon para mas mapalapit ang mga official entry sa kanilang mga tagahanga mula sa iba’t ibang henerasyon.
Dumalo para sa coming-of-age film na Apol of my Ai ang direktor nitong si Thop Nazareno, kasama sina Zion Cruz at Rochelle Pangilinan.
Ang producer na si Meg Bryan Bermudez ang kumatawan sa fantasy film na Beast, kasama ang supporting cast nitong sina Candy Pangilinan, Karl Medina, Ruslan Jacob, at Dax Alejandro. Pinagbibidahan ang pelikulang ito ng award-winning actor na si John Arcilla.
Makabagbag-damdaming drama ang hatid ng Mono No Aware na kinatawan sa event ng direktor nitong si BC Amparado, producer na si Patricia Salic, at lead actor na si Juan Karlos Labajo.
Nakita rin namin sa mediaconang direktor ng supernatural at hayagang queer na pelikulang Multwoh (Patay na Patay Sa’yo) si Rodina Singh, kasama sina Sassa Gurl, Joao Constancia, Phi Palmos, Gaia Poly, at Inah Evans.
Tampok naman sa kakaibang love story na Patay Gutom sina Khalil Ramos, Cris Villanueva, at Alwyn Uytingco, kasama ang mga co-director na sina Carl Joseph Papa at Ian Pangilinan.
Nakiisa rin sa pagpapakilala ng kanyang pelikula si Mikko Baldoza para sa romantic comedy na may nakamamatay na twist na Stuck on You, kasama ang mga bidang sina Xyriel Manabat at River Joseph.
Naroon din si direk Joseph Abello na ipinakilala ang Wantawsan, isang “slice of life” comedy na may kakaibang twist na umiikot sa isang politikal na suliranin. Hindi nakadalo ang bida nitong si Joross Gamboa.
Dumalo rin sa CinePanalo event ang 19 filmmaker na kalahok sa student shorts category ngayong taon.
Nagmula sa iba’t ibang panig ng bansa, ang bagong henerasyon ng mga boses sa mundo ng pelikula ay na sabik mag-iwan ng marka sa paparating na festival ngayong taon.
“Every film in this year’s CinePanalo carries the passion of its creators,” ani Ivy-Hayagan Piedad, festival chair of Puregold CinePanalo.
“Giving these stories a platform where audiences can experience and celebrate them is our way of supporting Filipino artistry and contributing to the continued growth of Philippine cinema,” aniya pa.
Narito ang kumpletong listahan ng official entry sa 2026 CinePanalo Full-Length Category:
1. Apol of My Ai
Director: Thop Nazareno
Starring: Zanjoe Marudo, Zion Cruz, and Rochelle Pangilinan
2. Beast
Director: Lawrence Fajardo
Starring: John Arcilla
3. Mono No Aware
Director: BC Amparado
Starring: Juan Karlos Labajo and Perry Dizon
4. Multwoh (Patay Na Patay Sa’yo)
Director: Rodina Singh
Starring: Sassa Gurl and Joao Constancia
5. Patay Gutom
Directors: Carl Papa and Ian Pangilinan
Starring: Khalil Ramos, Ian Pangilinan, Agot Isidro, and Cris Villanueva
6. Stuck on You
Director: Mikko Baldoza
Starring: Xyriel Manabat and River Joseph
7. Wantawsan
Director: Joseph Abello
Starring: Joross Gamboa, Rita Daniela, and Zion Cruz
Nasa listahan naman ng Student Short Category ang mga pelikulang Starfish ni direk John Clite Apolinar; Kun Hain, Bisan Diin. (Anywhere and Everywhere) ni direk
Jomarie Reyes; Kanibal ni direk Michael Baylon; Sa Mga Nagdaan at Lumipas ni direk Ezaldea Carla Fernandez; Limlim ni direk Samantha Beatriz Acoja Palaje; Alumahan ni direk Christian Melvin M. Arejola; When Heaven Inched Towards Earth ni direk Vinh Marco; No Mad is an Island ni direk Carl Geronimo; Tingi ni direk Rowan De Aro; Ang Huling Banlaw ni Susan ni direkHezekiah M. Estorque.
Kasama rin ang mga pelikulang Pulis Dunggab ni direk Maxine Dela Bajan; The Sound of K ni direkJay Gabriel A. Cañada; Nakabinbin ni direk Carlo Gula; Nang Matakasan ang Tagay ni direk Giancarlo Santiago; Teks Battle: Shoot Pati Pato! ni direk John Russel Capule; Kapag Tapos na ang Umpukan ni direk Justine Lee Estinor; 12 Shots ni direk Minnesota Flores; Bumtak Sara ti Nuangen (The Carabao’s Horns Have Cracked) ni direk Lloyd Pereira; at Miss Intrams ni direk Henri Marie C. Belimac.
Magsisimula ang CinePanalo Film Festival 2026 mula September 23 hanggang October 4 sa Gateway Cineplex 18, TriNoma, Fairview Terraces, Ayala Malls Feliz, Ayala Malls Circuit, Ayala Malls Manila Bay at Market! Market!
Ang presyo ng tiket ay P250 regular at P200 discounted, samantalang P2,000 naman ang festival para may pagkakataong mapanood ang lahat ng pelikula. Ang PWDs, senior citizens, students, national athletes at Aling Puring at Perks cardholders ay may kaukulang discount sa tiket.
