MATABIL
ni John Fontanilla
ISANG nabuong pangarap para sa Kapuso young actor na si Will Ashley ang magkaroon ng sariling kanta na siya pa mismo ang composer.
Ang nasabing kanta ay ang hit song na Paborito mula sa kanyang first album, Liham na may grand launching sa SM North Edsa Skydome sa Sept. 20, 2026.
Ayon nga kay Will sa isang interview, “Dream ko before na ‘di ko magawa-gawa kasi parang wala pa akong kakayahan to do music, pero ngayon na nangyayari na siya nakakataba ng puso. Kasi ang ganda rin ng mga comment ng tao tungkol doon sa ‘Paborito,’ sa first song na inilabas ko.”
Pinagtuunan ni Will ang paggawa ng mga kanta dahil first album niya ito.
“Talagang pinagtuunan ko ng pansin ‘yung paggawa nitong mga kantang ito.
“Dahil napaka-espesyal nito sa akin dahil nga first album ko siya.”
Ikinuwento rin ni Will na bata pa lang ay kumakanta na siya kasama ang kanyang mommy at mga kaibigan na mahilig mag-videoke.
“Actually nag-start to bata pa lang ako, dahil nga si mommy kumakanta.
“Mahilig sila ng mga friend niya na mag-karaoke. So, parang doon pa lang pinakakanta na ako ni mommy ng iba’t ibang song.”
Natutuwa ang aktor dahil sa success na tinatamasa niya ngayon.
“Nakatutuwa kasi parang sa loob ng 11 years, last year pang 12 years sa industriya parang ngayon ko lang nakamit itong big break.”
Sa kabilang banda, kakaibang Will Ashley ang mapapanood sa Delivery boi.
“Napakalayo kasi ng character ko rito sa ‘Delivery Boi’ sa mga nagawa ko before sobra talaga.
“Kasi talaga ‘yung mga nakakakilala sa akin, mostly drama ‘yung ginagawa ko.
“Pero this time mas lamang talaga ‘yung comedy,” pagtatapos ni Will.
