Matatag na ugnayan para sa pagpapaunlad ng grassroots sports muling pinagtibay
QC, TriPhil Nagkaisa para sa 2026 National Age Group Aquathlon
IPINAKITA nina Quezon City Vice Mayor Gian Carlo Sotto (kaliwa) at Triathlon Philippines president Tom Carrasco Jr. ang opisyal na nilagdaang Memorandum of Understanding (MOU), kasama ang mga opisyal ng Quzon City LGU at TriPhil technical officials na ginanap sa Q.C. Legislative Building, Plenary Hall para sa gaganaping 2026 National Age Group Aquathlon sa Mayo 17, sa Amoranto Sports Swimming Pool. (HENRY TALAN VARGAS)
OPISYAL na nilagdaan ng Quezon City LGU sa pangunguna ni Vice Mayor Gian Carlo Sotto, katuwang ang Triathlon Association of the Philippines sa ilalim ng pamumuno ni Tom Carrasco, kasama si Nico Carrasco, ang Memorandum of Understanding (MOU) para sa idaraos na 2026 National Age Group Aquathlon sa Mayo 17, sa Amoranto Sports Swimming Pool.
Layon ng nasabing pagtutulungan na higit pang palakasin ang pagsusulong ng sports development para sa kabataan, pagtataguyod ng malusog na pamumuhay, at patuloy na pagpapalawak ng triathlon at aquathlon sa bansa.
Inaasahang dadagsa sa Quezon City ang mga atletang manggagaling sa iba’t ibang panig ng Pilipinas para sa isang makasaysayan at punô ng aksyong kompetisyon sa paglangoy at pagtakbo. (TriPhil/HNT)
#NAGAquathlon2026 #TriathlonPhilippines #QuezonCity #Aquathlon #GrassrootsSports #OneQC #LabanPilipinas #QuezonCityLocalGovernment
