Innervoices Best Group Performer in Hotels, Music Lounges and Bars sa 38th Aliw Awards

Rommel Gonzales December 18, 2025 Entertainment, Events, Music & Radio

RATED R
ni Rommel Gonzales

“MEN in white” barong ang peg ng paborito naming Filipino all-male group na InnerVoices nang dumalo sila sa 38th Aliw Awards.

Halos mamukod-tangi ang grupo nina Atty. Rey Bergado (leader/keyboards/vocals) dahil muy simpatico sila nina Patrick Marcelino (vocals), Joseph Cruz (keyboards), Rene Tecson (guitars), Alvin Herbon (bass), at Jojo Esparrago (drums) sa bulwagan ng Fiesta Pavilion ng The Manila Hotel na ginanap ang 38th Aliw Awards.

Itinanghal na Best Group Performer in Hotels, Music Lounges, and Bars ang InnerVoices.

Pagkatapos ng announcement ng kani-kanilang award, masayang nag-bonding at nag-pictorial ang InnerVoices with Andrew E na King of Rap ng Pilipinas.

Win naman si Andrew E. that night bilang Best Male Rap Artist of the Year sa pangalawang magkasunod na taon.

Sobrang happy nina Atty. Rey sa kanilang Aliw Award dahil maagang Pamasko ito sa grupo nila para mas lalo silang ma-inspire sa tuwing sasampa ng entablado sa mga live gigs nila sa 19 East sa Alabang, Noctos Music Bar sa Scout Tuason, QC, Aromata Restaurant sa Dr. Lazcano, QC, at Hard Rock Cafe Manila (Conrad Hotel) and Makati (sa Glorietta in Ayala).

Nakatataba rin ng puso na ang mga nakasabay nilang nanalo ng award sa kani-kanilang kategorya ay sina Regine Velasquez, Ogie Alcasid, Martin Nievera, Pops Fernandez, Lani Misalucha, Zsa Zsa Padilla, Gary Valenciano, Jed Madela, Dulce, Jackielou Blanco, our favorite Arman Ferrer na talent ng mahal naming si Noel Ferrer, Jona, at marami pang iba.

Speaking of Pasko, out na sa mga digital platform ang dalawang Christmas song ng InnerVoices; ang Pasko sa Ating Puso released under ABS-CBN Music at Pasko’y Muling Darating sa ilaim naman ng UMG Philippines.

Ang Pasko sa Ating Puso ay likha ni Atty Rey, arranged by Edward Mitra, at produced ng Kalesa Entertainment Production.

Ang Pasko’y Muling Darating ay isinulat di ni Atty. Rey at arranged din ni Edward.

Lahad ni Atty. Rey, “Hindi lahat pareho ang nararamdaman pagdating ng Pasko. May nagdiriwang, may nagpapagaling.

“With these two songs, we wanted to honor both experiences. ‘Pasko sa Ating Puso’ is a celebration of joy and connection, while ‘Pasko’y Muling Darating’ is a gentle reminder of hope. Magkaibang himig, pero parehong totoo.”

I-follow ang InnerVoices sa kanilang mga Facebook, YouTube, Instagram, TikTok account, at sa Spotify.