RATED R
ni Rommel Gonzales
ANG bagong kanta ni Timmy Cruz na pinamagatang Magbago ay maituturing na panawagan para sa pagbabago na kailangang-kailangan natin ngayon dito sa Pilipinas.
Ito ay awit tungkol sa bawat isa sa atin na tayong lahat ay susi para sa pagbabago.
Kung sisimulan muna natin ang pagbabago sa sarili natin mismo, magiging ehemplo tayo para sa iba upang magbago na rin.
Ito mismo ang personal na karanasan ni Timmy. Nang nag-pokus siya sa pagmamahal sa sarili at pagpapabago ng sarili para sa kanyang mas ikabubuti at ikauunlad, naging mas mabuting bersiyon siya ng kanyang sarili.
“Checking and changing myself has become my beautiful way of life. As we check ourselves and change ourselves, others change and life gets better. I’m inviting you to check and change yourself so that together we can build a better Philippines, a better world with the help of Our Creator, Our Father,”pahayag ni Timmy.
“Ang ‘Magbago’ ay paanyaya para umpisahan natin ang pagbabago sa ating mga sarili. Tayong lahat ang susi ng pagbabago. Ito ang karanasan ni Timmy.
Nang nagbago siya, nagbago ang mga nakapaligid sa kanya. Nag-focus siya sa pag-aalaga sa kanyang sarili mula sa panloob hanggang sa panlabas.
“Halina, pagtulungan natin, baguhin muna natin ang ating mga sarili para gumanda ang ating minamahal na Pilipinas, at ang ating mundo. Sa tulong ng ating Ama, makakaya natin.”
Ang Magbago ay sa musika at titik mismo ni Timmy at sa areglo ni Dominic Benedicto.
Available ito sa lahat ng music streaming platforms tulad ng Spotify, Apple Music, iTunes, Youtube Music, Amazon Music, Tidal at iba pa.
