PUSH NA’YAN
ni Ambet Nabus
HINDI na mapigilan ang sobrang pagiging in-demand at busy ngayon ni Will Ashley.
After lumabas at manalo sa PBB Collab edition, higit na nakilala at naging curious ang maraming tao sa guwapong GMA Sparkle artist.
Nakita namin ito sa ongoing series na Sanggang Dikit FR nina Jennylyn Mercado at Dennis Trillo, na isang batang pulis ang role. Inferness, super guwapo niyang pulis hahaha.
Mayroon ding tatlong pelikulang ginagawa ang batang aktor. Nariyan ang Bar Boys, Poon, at ang triangle move tandem nila nina Dustin Yu at Bianca de Vera under Regal Entertainment na Love You So.
Mayroon pa kaming naririnig na big project na kasama niya ang pamilya de Guzman (Klarisse, Esnyretc of PBB), plus another TV show bago matapos ang taon.
Ay grabe, kung dati ay halos hindi siya pinapansin, ngayon ay inihihilera na nga si Will na susunod na pinaka-importanteng male star ng GMA family.
Sa katatapos na FAMAS awards, siya ang pinaka-bagets na nakahilera ng mga bigating aktor sa Best Supporting category na kahit hindi nanalo ay sobrang proud ang mga supporter niya.
Imagine ba naman kasing mailinya siya kina Joel Torre, Sid Lucero, Jhong Hilario, Jeric Raval, at Ruru Madrid?
Congratulations Will, you deserve more!
