MA at PA
ni Rommel Placente
DUMALAW si Mark Herras noong Lunes ng gabi ng burol ng dati niyang manager na si Lolit Solis. At marami ang natuwa sa naging effort na ito ng aktor. At least, kahit may tampo siya kay Manay Lolit ay nagawa pa rin niyang magbigay ng last respect.
Isinawalat noon ni Manay Lolit na nangutang sa kanya before si Mark ng P30k para ipambili ng gatas ng anak. At hindi pa raw iyon nababayaran.
Pero ayon kay Mark, binayaran niya na ang utang niya at three years ago pa ‘yung utang niya.
Nagtaka lang daw siya kung bakit ikinuwento pa ni Manay Lolit.
Ito ang naging sanhi ng tampo ni Mark kay Manayt Lolit.
Pero kung marami ang natuwa sa pagpunta sa burol ni Mark, marami rin naman ang hindi.
Sana raw, noong naka-confine pa sa ospital si Manay Lolit ay nagawa na niyang bisitahin, hindi ‘yung kung kailan patay na.
Kung ganoon ang ginawa ni Mark ay mararamdaman at makikita niya na na-appreciate siya ng dating manager.
Ang mga netizen talaga, hindi na lang matuwa na nagawa pa ring dumalaw ni Mark sa burol ni Manay Lolit.
