Anne sinagot kumukuwestiyon sa natanggap na award  

PUSH NA’YAN
ni Ambet Nabus

“IT’S quality over quantity.” Simple at mataray na tugon ni Anne Curtis sa mga netizen na kinukwestiyon ang award na nakuha ng aktres sa isang award giving body bilang Best Female TV Host dahil sa It’s Showtime.

Dahil nga sa dalas ng absent ni Anne as host, naging isyu ang award na tila hindi raw  deserve dahil may ibang equally female hosts ang show na magagaling din.

Well, discretion iyan ng naturang award-giving body na ang husay ni Anne sa hosting ang nakita at hindi ‘yung galing ng iba.

Tama rin naman si Anne na “kalidad” ng trabaho ang usapan kaysa lagi kang napapanood pero isang dakilang “alalay o pampadami” nga lang ang silbi mo.

Medyo naging intriga lang ang timing ng award at pagpatol ni Anne sa bashing dahil may paparating na bagong series ito na siya ang bida.

Kaya kung kami ang tatanungin, it’s really okay not to be okay hahaha! Okay lang kayo?