HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
IBINUNYAG ng talent manager at showbiz insider na si Ogie Diaz na naka-move-on na ang aktres na si Cristine Reyes sa kanyang relasyon kay Marco Gumabao at nakatagpo na ng bagong pag-ibig.
“Cristine, naka-move on na kay Marco Gumabao,” pahayag ni Ogie sa kanyang online show na Ogie Diaz Showbiz Update, at pinangalanan pa ang bagong inspirasyon ng aktres sa katauhan ni Gio Tingson.
Ayon kay Ogie, kamakailan nagsimulang mag-date sina Cristine at Gio. Si Cristine ay kilalang endorser ni Senador Imee Marcos, samantalang si Gio ay nagsilbing isa sa mga campaign strategist ni Senador Bam Aquino noong 2025 elections.
“So lagi silang nagkikita nitong si Cristine Reyes, kaya feeling ko naka-move on na si Cristine,” dagdag pa ni Ogie.
Ipinakita rin ni Ogie ang ilang social media posts na magkasama sina Cristine at Gio, kabilang na ang isang larawan na nakapulupot ang braso ni Cristine sa braso ni Tingson.
Iniulat naman ng Politiko.com na matagal nang magkakilala sina Cristine at Gio at nabalita pang magkarelasyon noong 2009.
Ayon din sa nasabing news website, kasalukuyang nagtatrabaho si Gio bilang head of public affairs ng Grab Philippines at dati ring chairperson ng National Youth Commission.
Wala naman sigurong masama kung may bagong pag-ibig si Cristine dahil very much single naman siya ngayon.
