Kyline life lesson mula kay Ruffa: always choose yourself

MA at PA
ni Rommel Placente

MAY bagong serye si Kyline Alcantara sa GMA 7. Ito ang Beauty Empire, na kasama niya si Barbie Forteza. Happy ang una na naka-work niya ang huli. Noon pa kasi ay pangarap niyang makatrabaho ang ex ni Jak Roberto.

Kasama rin sa serye si Ruffa Gutierrez.

Sa tanong kay Kyline kung ano ang ilang life lesson na natutunan nila kay Ruffa na napakarami na ring pinagdaanang pagsubok sa buhay ngunit nananatiling matatag at palaban? Ang sagot niya, “Always choose yourself. Ikaw muna, bago ‘yung ibang tao. ‘Yun ‘yung palagi niyang advice sa akin. Actually hindi lang sa akin, sa aming dalawa ni Barbie.”

Dugtong pa ng dalaga, “And every time you get lost, palagi mo lang hanapin ang sarili mo.”

Ang Beauty Empire ay bonggang collaboration ng tatlong powerhouse production sa media industry – GMA Network, Viu, at CreaZion Studios.

Iikot ang kuwento ng serye kay Noreen Alfonso (Barbie), a rags to riches beauty entrepreneur na handang pabagsakin ang mga kaaway.

She goes head-to-head against Shari De Jesus (Kyline), a crass but social media famous beauty CEO na mentored by Velma Imperial (Ruffa) na idolo ni Noreen sa mundo ng pagpapaganda.

Mapanood ito simula July 7 sa GMA Prime, mula Lunes hanggang Biyernes, 9:35 p.m..