I-FLEX
ni Jun Nardo
PAKAIINGATAN ni Lotlot de Leon ang painting na ibinigay ng pumanaw na singer-actor na si Cocoy Laurel na huli niyang nakita sa wake ng ina niyang si Nora Aunor last April.
Pumanaw na nitong nakaraang araw ang nakapareha ni Nora sa ilang pelikula. Anak si Cocoy ng dating Vice President Salvador Laurel at stage icon Celia Diaz Laurel.
Sa post ni Lotlot sa kanyang Facebook page, sabi ni Cocoy kay Lot, “Lot, please keep this (painting)…I’m giving it to you as a gift. Keep it.”
Sa FB post ni Lotlot, “That painting is more than just a piece of art. It’s a symbol of your deep friendship and lasting love for Mom. I accepted it with all my heart and we will treasure it forever…”
Nagbigay pasasalamat din ang aktres-singer na si Lea Salonga na kasamahan niya sa stage. Pamangkin ni Cocoy sina Franco Laurel at Denise Laurel.
