HATAW! D'yaryo ng Bayan hatawtabloid.com
MA at PA
ni Rommel Placente
MASAYANG-MASAYA si Sylvia Sanchez kapag nakakasama ang apo kay Ria Atayde at Zanjoe Marudo, si Sabino. Unang apo kasi niya ito, kaya naman ganoon na lamang ang atensiyon na ibinibigay niya rito.
Spoiled nga raw kay Sylvia ang baby dahil madalas ay ipinagsa-shopping niya ito ng mga gamit.
Hindi naman maiwasan itanong sa award-winning actress kung gusto na rin ba niyang magkaapo kina Arjo Atayde at Maine Mendoza. Kung iisipin kasi, ay mas naunang ikinasal ang dalawa.
Sey ni Sylvia, ayaw pa niya munang umasa ngayon, dahil desisyon naman ng mag- asawa na i-enjoy muna ang buhay na magkasama sila. Sabi raw ni Congressman Arjo sa kanya ay aayusin muna nito ang dapat ayusin, at saka sila mag- aanak.
Ang sagot ni Sylvia ay, ‘okay bahala kayo.’ So, hindi na nila pinag-usapan.
Pero ang sabi rin ni Arjo ay after two years.
Samantala, busy si Sylvia hindi lamang sa pag-arte kundi sa pagpo-produce ng pelikula.This time ay co-producer ang Nathan Studios sa film maker na si Alemberg Ang sa isang Japanese movie na may titulong Renoir na nakasali sa 78th Cannes International Film Festival noong nakaraang buwan.
