Sanya hindi lang panlabas ang maganda

RATED R
ni Rommel Gonzales

ISA sa may pinakamagandang mukha sa industriya ng pelikula at telebisyon, natanong si Sanya Lopezkung ano ang definition niya ng salitang beauty.

Aniya, “Well for me kasi ang beauty talaga hindi naman nakikita… totoo iyan, luma na siguro itong naririnig, dati niyo pa naririnig na ‘yung kagandahan naman talaga hindi lang panlabas.

“Kasi ako talagang naniniwala na ‘yung tunay na kagandahan makikita mo sa panloob niya, kung maganda ka.

“Siyempre minsan maa-appreciate mo pa nga ‘yung taong alam mo ‘yun, ‘yung maganda siya pero mas maganda ‘yung kalooban, dahil minsan kapag… nag-iiba, nag-iiba talaga ‘yung pananaw ng tao kapag hindi maganda ‘yung panloob mo and hindi magtatagal ‘yun, ‘di ba?

“Mamahalin ka ng tao kasi dahil sa kagandahang-loob, hindi dahil sa kagandahang panlabas lang,” pahayag pa ni Sanya.

Dalawang taon ng brand ambassador, since 2023, si Sanya ng Amara Shia Jewelries na CEO si Shina Aquino at ang mister niyang si Ian Aquino ang COO.

Kasama ni Sanya rito bilang brand ambassador ang influencer/content creator na si Jenela in Japan.