Valerie Tan malaki ang paghanga kina Kris at Toni 

MATABIL
ni John Fontanilla

AMINADO ang host ng 38th PMPC Star Awards for TV Best Lifestyle and Travel Show, I Heart PH na si Valerie Tan na marami ang nagsasabi na kamukha niya si Toni Gonzaga.

At sobrang flattered siya kapag naririnig iyon lalo na’t isa si Toni sa iniidolo niyang host.

Pangarap nga nitong ma-meet ng personal ang actress, host, at vlogger na makatrabaho.

“I haven’t met her but I would love to meet her because she’s someone that I look up to when it comes to hosting,” ani Valerie nang makahuntahan namin after ng presscon ng I Heart PH Season 10.

Bukod kay Toni ay idolo rin ni Valerie ang Queen of All Media na si Kris Aquino.

“Idol ko talaga sa hosting si Kris kasi puwede siyang game show host. Puwede rin siyang showbiz talk show host.

“Actually, she’s an icon. Lahat kaya niyang gawin,” wika pa ni Valerie.

Bet din nitong sumabak sa acting at pasukin ang pag-arte kung mabibigyan ng pagkakataon. Pero sa ngayon ay mas gusto niya munang mag-focus sa hosting.

“Wala namang offers pero who knows? Puwede namang subukan, pero hosting is still my priority.

“Never ko pa naman siyang naisip kasi I used to do theater sa Gantimpala. I don’t know. I really don’t know. “

Nagsimula nang mapanood ang first part ng tatlo sa Hong Kong trip ni Valerie na siyang pagsisimula ng season 10 ng I Heart Ph.

Mapapanood ang I Heart PH every Sunday ng 10:30 a.m. sa GTV hatid ng TV8 Media.