Luis aarangkadang muli sa pagho-host ng Raibow Rumble

MA at PA
ni Rommel Placente

BALIK-HOSTING na si Luis Manzano matapos mabigo na magwagi bilang Batangas vice governor noong nagdaang 2025 midterm elections.

Ilang araw matapos ang eleksiyon, nag-post si Luis sa kanyang Facebook followers, kung ano sa kanyang tatlong shows ang nais nilang mapanood muli?

Binanggit niya ang Raibow Rumble, Kapamilya Deal or -Deal, at Minute To Win It.

Siguro ay mas maraming sumagot ng Rainbow Rumble, kaya naman ito ang balitang unang magbabalik sa ere.

Pansamantalang hindi napanood ang naturang show dahil naging abala si Luis sa kanyang pangangampanya noon at hindi pwedeng mapanood ng regular sa isang television show ang tumatakbo sa politics.

Sa kabila ng pagkabigo sa mundo ng politika, panalong-panalo naman si Luis sa mundo ng showbiz.

Bukod kasi sa pagbabalik ng Rainbow Rumble,  may chance rin ang dalawa pa niyang show na Minute To Win It at Kapamilya Deal or No Deal na magbalik na rin sa telebisyon.

Bago pa man ang kanyang pagsabak sa pagtakbo bilang bise gobernador ng Batangas, ay kaka-renew lang niya ng kontrata sa ABS-CBN. Kaya naman automatic na bibigyan siya ng show.

Bukod sa mga game show ay may mga product endorsement na rin si Luis na nakapila.

Kasabay naman ng pagbabalik ng TV host-actor sa hosting ay ang pagbabalik din sa pag-arte rin ng kanyang asawang si Jessy Mendiola sa isang teleserye na pinagbibidahan ni Gerald Anderson, Sins of the Father.