Andre ‘di kailangang magpaalam kay Jom sakaling magpapa-sexy

RATED R
ni Rommel Gonzales

SINO ba naman ang makalilimot sa mga hubad na larawan noon ni Jomari Yllana sa mga sexy magazine na tanging trunks or briefs lamang ang suot?

Kung si Richard Gomez ang Adonis noon at hari ng sexy pictorials, si Jomari ang Prinsipe.

At ngayon, may binatang anak na si Jomari, si Andre Yllana.

Papayagan kaya ni Jomari si Andre kung sakaling may offer na sexy pictorial?

Sagot ni Jomari, “He doesn’t have to ask permission from me eh. kasi Andre is an artist. Ano ‘yan eh, hilig niya ‘yan eh.

“He knows what he’s doing, pinag-aralan niya ‘yan. He knows the craft, the work and it’s all actually up to him. 

“He’s… nasa tamang age, I have done…we have done, generation namin, I’ve done film, sensual, doesn’t matter pero ang ending niyan is ano ‘yung lesson na gusto mong i-relay, portraying that role.

“Sa akin, it’s all ‘yung fulfillment of the actor, anong pakiramdam niya, his ‘yung tinatawag na instinct, instinct ‘yan eh, ‘di ba?

“So sa akin, he doesn’t need to ask permission from me, he’s an adult. He is good at what he’s doing, ano ‘yan, anything goes and he will actually learn a lot along the way,” pahayag pa ni Jomari.

Sa ngayon ay abala si Jomari sa kanyang Yllana Racing Team na utak sa likod ng Okada Manila Motorsport Carnivale 2025.

Samantala, sa May 31 ay launch ng Jom’s Cup 

ng Okada Motorsport Carnivale, ang 1/8-mile drag racing event ni Jomari at ng Yllana Racing team na magaganap sa Okada Manila’s Boardwalk and Gardens sa Paranaque City.

May mga kategorya itong vintage car, muscle car, at super car.

Katuwang ni Jomari sa naturang event ang FIA (Fédération Internationale de l’Automobile) international race official na si Rikki Dy-Liacco.