Sharon ipinagtanggol si Kiko — Maayos siyang tao at may hanapbuhay bago kami ikinasal

I-FLEX
ni Jun Nardo

IPINAGPATULOY ng  mag-inang Roselle at  Atty. Keith Monteverde ang pagtulong sa tumatakbong kandidato na sinimulan ng ina nilang si Mother Lily at  suportado rin  nila.

Kaya naman matinding pasasalamat ang ibinigay ng mag-asawang Senator Kiko at Sharon Cuneta Pangilinan nang iharap sila sa entertainement media bilang tulong sa kandidatura ng senador.

Food security at agrikultura ang nais ni Kiko sa bansa lalo na sa magsasaka na pinagmumulan ng kinakain natin.

Kaya naman sa ads at slogan ni Sen Kiko, kasama na si Sharon sa slogan na, ‘Pag May Kiko, May Sharon Ka!

Alam ng mag-asawa na malaking tulong ang pagkain sa mahihihirap at sa mag-aaral. Kaya naman ito ang nais nilang paglaanan ng batas at oras.

Comic man ang dating ng slogan nila, naniniwala ang mag-asawa na kailangan ng Filipino ng pagkain sa kada mesa.

Hindi exempted si Sen. Kiko sa bashing at hate campaign. Pero ipinagdiinan ni Shawie na maayos na tao at may hanapbuhay si Kiko bago sila nag-asawa.

“Ipnagdasal ko talaga na magkaroon ng asawang makakasama ko sa habambuhay at si Kiko ang ibinigay ng Diyos at walang pagsisisi !” pahayag ni Sharon na kagulat-gulat ang ipinayat, huh.

Tulungan natin si Senator Kiko na mapabilang sa bagong senador sa halalan sa Lunes, Mayo 12.