Jomari proud sa achievement ng anak na si Andre bilang Aries

RATED R
ni Rommel Gonzales

TULAD ni Jomari Yllana ay car enthusiast din ang binatang anak niyang si Andre Yllana.

Kaya naman gusto talaga ni Jomari na makasali si Andre sa kanyang event, ang Motorsport Carnivale 2025.

Pero sa ngayon ay sa kanyang pag-aartista nakatutok si Andre kaya very busy ito bilang isang Vivacontract star.

“Pinagkakaguluhan ako,” ang nakangitng sinabi ni Jomari. “‘Uy, yung tatay ni Aries!’

“Sikat na sikat ‘yung bata sa mga kabataan.”

Kasama si Andre bilang si Aries sa Viva series na Ang Mutya ng Section E kasama sina Andres Muhlach, Ashtine Olviga, at Rabin Angeles.

Pagpapatuloy ni Jomari, “‘Yung hilig niya sa motor sports nandiyan pa. Kaya lang, shooting nang shooting, taping nang taping. 

“Laging puyat, umaga natatapos.

“Pero ano eh, cute ‘yung ano niya eh, ‘Section E,’ sa Viva. Kasama ‘yung Andres, hit ‘yun. Tapos ‘yung ‘Lumuhod Ka Sa Lupa,’ TV5 yata ‘yan. So, dalawa ‘yung show niya na hit.

“Pinagkakaguluhan ako ng mga bata, ako raw ‘yung tatay niya.”

Pahayag naman ni Jomari tungkol sa Motorsport Carnivale 2025, “We have prepared a couple of exciting motorsport events for everyone!

“And I am proud to announce that we are going to put the Philippines back in the world map of motorsports, together with our sponsors.

“Our main sponsors, of course Okada Manila — we have found a home of motorsport on the biggest integrated casino in the country. Together also with the Parañaque LGU, and all our sponsors.

“The first event will be on May 4, followed by a series of events on May and June.

“And we are here as proud producers coming from the industry of automotive, motorsport, and entertainment.

“Gusto natin ibalik ‘yung mga karera in the heart of Metro Manila. So I welcome everyone to ‘Motorsport Carnivale 2.0!’”

Ang racing event na ito ay collab ng Okada Manila at Yllana Racing ni Jomari.

Ang schedule sa Boardwalk and Gardens mula 6:00 a.m. hanggang 6:00 p.m. ay ang Super Sprint, 7:00 p.m. naman ang Grand Car Meet: Legends of the ‘90s.

Sa May 31 naman magaganap ang Jom’s Cup, ang 1/8-mile drag racing challenge na competition ng mga kategoryang Super Car, Muscle Car, at Vintage Car.