HATAW! D'yaryo ng Bayan hatawtabloid.com
I-FLEX
ni Jun Nardo
PINASOK muli ng businessman-talent manager na si Arnold Vegafria ang politika sa Olonngapo City dahil ang mayor ng syudad ang kanyang target ngayong election.
Sinubukan na ni Arnold tumakbo sa nasabi ring posisyon noong 2022. Pero hindi 100 percent ang puso niya.
Sa mediacon ni Arnold o ALV ng showbiz, focus na ang puso at isipan niyang mayor ng Olongapo City na gusto niyang ibalik ang ningning na nawala nang matapos ang Gordon administration.
Wala na ‘yung tinatawag na Sin City sa syudad at gusto niya itong maging Smart City at dayuhin ng mga turista dahil sa maganda nilang lugar.
Isa sa artists ni Arnold na sumuporta sa isa niyang political rally eh si David Licauco. Of course, welcome sa mayoralty bet ang iba niyang artists na ikampanya siya.
Para kay Arnold, calling ang maglingkod kaya naman kahit sinasabi ng kaibigang politicians at iba pa na hindi na niya kailangang pumasok sa politika para makatulong, ang tawag ng puso at isipan upang maglingkod sa kababayan sa Olongapo ang kanyang pinakinggan!
Good luck, ALV!
