PUSH NA’YAN
ni Ambet Nabus
NAGING saksi kami sa isang pagkakataon na may importanteng medical procedure na ginawa noon kay Miles Ocampo.
Ikaw ba naman ang samahan at bantayan ni Kris Aquino sa loob ng kung ilang oras dahil sinusuportahan ka niya. Sobra nga kaming na-touched noon kay Tetay lalo’t kasagsagan ‘yun ng kanyang kasikatan bilang multi-media queen.
Sinamahan din siya noon ni direk Bobot Mortiz na itunuring ding tatay-tatayan ni Miles since mag-start siya sa Goin’ Bulilit.
Yes, dalawa lang sila sa masasabi naming mga indibidwal na hanggang ngayon ay naka-alalay kay Miles.
For sure natatandaan ito ni Miles dahil since then to now ay very close pa rin siya kina Kris at direk Bobot. Hindi nga ba’t kahit noong pandemic ay bukod tanging si Miles lang ang isa sa celebrities na may access na maka-paroo’t parito at manirahan sa bahay ni Kris? At ayon pa nga sa mga common friends natin, regular silang nagkakausap at sa sitwasyon ngayon ni Kris ay laging naroon si Miles to support and pray for her ate Kris.
In fact, alam naming well-informed din sina direk Bobot at Kris sa bagong artist house/company niyang All Access To Artist na mangangalaga sa kanyang career, mapa-TV o movies man o kahit mga endorsement.
“Naku, for sure, binigyan nila ng advice si Miles at tamang guidance,” sey pa ng mga common friends naming hangang-hanga sa humility at pagiging tahimik lang ni Miles sa klase ng friendship niya kina Kris at direk Bobot.
