MATABIL
ni John Fontanilla
ISA pala sa matagal ng pangarap ng Kapuso actor Alden Richards at ng kanyang ama ang maging piloto.
Kaya naman sa contract signing nito sa Viva Group of Companies at ng kanyang kompanya na Myriad Entertainment ay sinabi nitong, “Right now, siguro pwede ko nang i-share na mayroon pong nag-o-offer since I’ve been very vocal about being a pilot. So, there’s been an aviation school in Clark that offered a scholarship to me to be a pilot.
“Sobrang excited din ako at saka ko na lang po idi-discuss kung sino ‘yung nag-offer ng scholarship once it’s final already.
“It has been my dad’s dream. Sabi ko, ‘Sige dad since medyo 59, 58 ka na ako na lang. Hopefully kung kaya this year matapos ko ‘yung course, then lipad, lipad na tayo.’
” Nag-skydive nga po ako sa Dubai. Mahilig po ako sa mga matataas na lugar.
“It gives a bird’s eye view of everything, i love to fly.”
Pursigido nga si Alden na tuparin ang kanyang pangarap at pangarap ng kanyang ama na maging piloto ngayong 2025.
