MATABIL
ni John Fontanilla
BABANGGAIN ng grupo ni Ara Mina ang mala-pader na grupo ng nakaupong Mayor ng Pasig na si Vico Sotto.
Matapos tumakbo sa Quezon City ilang taon na ang nakalipas at natalo ay lumipat naman ito sa Pasig City at tumatakbo bilang konsehala ng District 2 sa partido na kalaban nina Mayor Vico.
Nawa’y tama ang desisyon ni Ara sa pagpili ng sasamahan, and this time ay mananalo na siya, dahil kapag hindi pa rin siya pinalad manalo, saan naman kayang lugar siya pupunta para tumakbong muli.
Well depende pa rin naman ‘yan sa mga taga-Pasig City kung feel nilang magsilbi sa kanila si Ara at isama sa kanilang balota versus mga konsehal sa District 2 ng Pasig City na nasa partido ni Mayor Vico.
